Хаос поради поларен бран во САД: Температурите се спуштија до минус 30, има и смртни случаи/ВИДЕО

Две лица починаа од хипотермија во округот Кадо, Луизијана, а речиси 800.000 домови во Соединетите Американски Држави се без електрична енергија, бидејќи огромната зимска бура им се заканува на околу 180 милиони луѓе во 37 држави, повеќе од половина од населението на САД.

Државите кои се најмногу изложени на ризик од бурата се Алабама, Џорџија, Кентаки, Мичиген, Њујорк, Северна Каролина, Охајо, Тенеси, Тексас и Вирџинија. Метеорологот Џош Вајс од Националната океанска и атмосферска администрација на САД рече дека бурата е „уникатна“ поради нејзиниот распон од 2.000 милји и екстремно ниските температури што ги носи.

The strongest snowstorm in a decade is hitting the United States: power outages affecting 130,000 homes, 12,000 flights canceled, and a state of emergency declared in 21 states, with residents urged to stay home and store shelves running empty. pic.twitter.com/SpYo5aa6Ly

— Sprinter Press (@SprinterPress) January 25, 2026

Најмалку пет лица починаа во Њујорк во текот на викендот поради ниските температури и снегот, изјави градоначалникот на Њујорк, Зохран Мамдани, додека гувернерката на Њујорк, Кети Хокул, ја опиша како најстудената зима во последните години, а состобата во државата ја нарече опасна.

„Иако сè уште не ги знаеме причините за смртните случаи, ова е силен потсетник за тоа колку е опасен екстремниот студ и колку се ранливи многу од нашите граѓани, особено бездомниците“, рече Мамдани, пренесе NBC News. Тој додаде дека нема индикации дека жртвите биле бездомници.

Градот Њујорк отвори десет „центри за затоплување“ и 126 засолништа за граѓаните, а градоначалникот Мамдани ги повика луѓето да останат во затворен простор и да не возат.

Само во неделата се откажани повеќе од 10.000 летови, што е најголем број откажувања на летови од пандемијата на Ковид, при што најголем број откажувања е регистриран во Шарлот, Северна Каролина и Атланта, додека сите летови на Националниот аеродром „Роналд Реган“ во Вашингтон се откажани.

Storm of the century: the US paralyzed by winter storm Fern

A vast part of the United States has been hit by one of the most powerful winter storms in the past 100 years. Blizzards, heavy snow and freezing rain have forced the cancellation of more than 13,000 flights nationwide.… https://t.co/a2mRRb50ZI pic.twitter.com/lrFxNEnKHo

— NEXTA (@nexta_tv) January 25, 2026

Опасно студено време ги зафати поголемиот дел од централните и источните делови на САД, со температури кои се движеа од минус 20 до минус 30 степени.