Компанијата ДФДС, која управува со патнички бродови и фериботи (траект), им се извини на патниците откако на еден од нивните фериботи, кој сообраќал од Дип до Њухејвен, погрешно бил прикажан филм за возрасни.
Инцидентот се случил кон крајот на октомври, кога фериботот бил пренасочен кон Франција поради техничка грешка во пристаништето Њухејвен.
Патниците побарале од екипажот да им покаже трка од Формула 1 за време на доцнењето, но по завршувањето на трката, на телевизија ненамерно се појавил филм за возрасни, објави „Гардијан“.
- Екипажот не бил свесен за содржината што требало да се емитува. Кога биле информирани за ова, каналот веднаш бил сменет, соопштија од ДФДС, извинувајќи се за она што го нарекоа „разбирлива вознемиреност и гнев“ кај патниците.
Компанијата додаде дека каналот што го нарушил сообраќајот е отстранет од листата на достапни програми и дека сличен инцидент нема да се случи повторно.
Children run away screaming as ‘hardcore porn’ is broadcast on ferry https://t.co/OCGgPuxqoM
— Brighton Argus (@brightonargus) November 12, 2025
Еден патник, кој сакал да остане анонимен, рекол дека децата „врискале и истрчале од салонот“ кога започнал филмот.
- Родителите побараа од персоналот веднаш да го исклучи телевизорот. Не го видов, но јасно слушнав што се случува, рече тој, додавајќи дека „целата ситуација била целосно хаотична“.
