Врховниот лидер на Иран, ајатолахот Али Хамнеи, во соопштението прочитано од телевизиски презентер во неделата изјави дека неговата земја нема да го прифати повикот на американскиот претседател Доналд Трамп за безусловно предавање, објави Ројтерс.
Во своите први изјави од петокот, кога одржа говор емитуван на државните медиуми откако Израел почна да бомбардира Иран, Хамнеи рече дека ниту мир ниту војна не можат да ѝ бидат наметнати на Исламската Република.
„Интелигентните луѓе кои го познаваат Иран, иранската нација и нејзината историја никогаш нема да зборуваат заканувачки јазик кон оваа нација, бидејќи иранската нација нема да се предаде. Американците треба да знаат дека секоја американска воена интервенција несомнено ќе биде придружена со непоправлива штета“, рече тој.
Трамп вчера отворено размислуваше на социјалните мрежи за атентат врз иранскиот лидер Хамнеи, но рече: „Нема да го елиминираме (убиеме)!, барем не засега“.
Трамп вчера, исто така, го повика Иран на „безусловно предавање“.
