Хамилтон си заминува од Ферари, позната е неговата замена?!

Тимот на Ферари започна сериозни разговори за иднината на својата возачка постава. Според моменталните информации од италијанските медиуми, Луис Хамилтон најверојатно нема да добие понуда за продолжување на договорот.

Додека тимот од Маранело се бори за второто место во шампионатот на конструктори, зад сцената се водат важни разговори за тоа кој ќе седи зад воланот на познатиот црвен болид во наредните сезони.

Луис Хамилтон, кој предизвика огромна бура во текот на летото со преминувањето од Мерцедес во Ферари, нема да добие понуда за продолжување на тековниот договор, според информациите од италијанските медиуми.

Иако се очекуваше седумкратниот светски шампион да донесе искуство, стабилност и победнички менталитет, се чини дека Ферари размислува за иднината и за долгорочната стратегија.

Во овој контекст, најсериозен кандидат за замена на Хамилтон е младиот Оливер Берман, талентиран британски возач и член на академијата на Ферари. Берман бележи импресивни настапи оваа сезона, особено кога имаше можност да ја покаже својата вредност против поискусните колеги.

Неговата форма во квалификациите и трките го привлече вниманието на шефот на тимот, Фред Васер, кој не го криеше своето задоволство од она што го виде.

Берман покажа во текот на целата сезона дека има брзина, интелигенција и способност да донесува одлуки под притисок – квалитети што Ферари ги бара кај иден лидер на тимот. Во Маранело расте верувањето дека тој би можел да стане централна фигура во новиот проект на Ферари.

Со оглед на возраста на Хамилтон и на фактот дека тимот е во процес на постепено подмладување, се чини дека предавањето на палката би можело да биде логичен чекор.

Досега нема официјален коментар од Ферари, но шпекулациите се во полн ек.

Доколку се случи тоа, Ферари би донел смела, но визионерска одлука – одлука што симболично би започнала нова ера за тимот од Маранело.