Хамас соопшти дека го прифаќа најновиот предлог за 60-дневно примирје со Израел, кое вклучува враќање на половина од израелските заложници што ги држи во Газа, додека Израел ќе ослободи некои палестински затвореници, соопштија египетски извори.
Висок функционер на Хамас, Басем Наим, напиша на „Фејсбук“: „Движењето го даде своето одобрение за предлогот презентиран од медијаторите“.
Официјален египетски извор изјави дека најновиот предлог вклучува 60-дневно запирање на израелските воени операции и пат кон сеопфатен договор што би ја завршил речиси двегодишната војна. Извор запознаен со преговорите изјави дека предлогот е речиси идентичен со оној што го предложи минатиот пат специјалниот американски претставник, Стив Виткоф, кој Израел го прифати.
Плановите на Израел да ја преземе контролата врз градот Газа ја вознемирија меѓународната заедница, како и самите Израелци, кои во неделата одржаа еден од најголемите протести од почетокот на нападот врз Газа со десетици илјади луѓе, повикувајќи на прекин на војната и ослободување на останатите 50 заложници. Израелските власти веруваат дека 20 сè уште се живи.
ИЗДВОЕНИ
ГРАДОНАЧАЛНИЧКИТЕ КАНДИДАТИ НА ПОМОШ ВИКААТ И СТРАНСКИ ЕКСПЕРТИ:Кампањата носи и лек за урбанистичкиот хаос – или од Мексико или од Истамбул!
Во петок ќе се знае по колку советници ќе имаат општините и Град Скопје?!
Амбасадор Рафаел Сориано Ортиз: Шпанско-македонските односи и нивната перспектива во иднина
Турција – омилена дестинација за Македонците што не сакаат да вадат паричник на одмор
