Хабиб Нурагомедов зеде брдо пари од исламските земји

Хабиб Нурмагомедов е без сомнение еден од најголемите УФЦ-борци на сите времиња. Легендарниот Дагестанец ја заврши својата кариера непоразен, заработувајќи огромни суми, а шефот на организацијата, Дана Вајт, открива дека муслиманските земји му платиле на Хабиб огромни суми.

Неговата победа над Конор Мекгрегор во 2018 година го донесе на врвот на светот. Дагестанскиот „Орел“ доби огромна популарност, особено во исламските земји. Богатите не штедеа пари за да го доведат во своите земји. Тој редовно наплаќал огромни суми, а Дана Вајт верува дека неговото огромно богатство, заедно со смртта на неговиот татко, значително влијаеле врз неговата одлука да ја заврши кариерата на 32-годишна возраст.

• Добивме шампион кој е муслиман, но тука се појави проблемот. Тој отиде на турнеја низ исламските земји, беше во Саудиска Арабија, Емиратите, Катар и тие потрошија огромни суми пари на него. Заработи толку многу пари што веќе не мораше да се бори. Потоа почина неговиот татко и тоа многу го погоди, рече Вајт.

Хабиб ја заврши кариерата во октомври 2020 година по победата над Џастин Гејчи во Абу Даби. Тоа беше неговата 29. победа во кариерата.

• Алах ми даде сè. Сакам да кажам дека ова е мојата последна борба. Нема шанси да се вратам без мојот татко, рече Хабиб, додавајќи:
• Кога УФЦ ме повика за борбата против Џастин, разговарав со мајка ми три дена. Таа не сакаше да се борам без мојот татко во аголот, но ѝ ветив дека ова ќе биде мојата последна борба. Дадов збор и ќе се држам до него, рече Хабиб и засекогаш остана запишан во историјата.

Имаше огромни понуди за враќање во октагонот. Беа понудени нереални бројки, но „Орелот“ ги одби сите и се држеше до ветувањето што ѝ го даде на мајка си.

Сепак, Хабиб не го напушти ММА-спортот. Тој стана тренер и успешно ја води вежбалницата што ја наследи од својот татко. Го донесе Ислам Махачев до титулата во две различни категории, Усман Нурмагомедов е шампион во Белатор и ПФЛ, а Умар Нурмагомедов е главен кандидат за титулата во УФЦ.

Многу познати лица доаѓаат во неговата вежбалница бидејќи создава вистински шампиони и секој сака да биде дел од неговиот тим.

Богатството на Хабиб Нурмагомедов се проценува на околу 40 милиони долари, но многумина тврдат дека тој, всушност, е многу побогат.

Хабиб заработи милиони за борби само во мечот со Конор Мекгрегор, и против Дастин Појрие и Џастин Гејчи, па затоа поголемиот дел од неговото богатство му го донеле добри бизнис потези.

Вајт откри дека исламските земји му давале огромни бројки за доаѓањето во посета, а самиот тој основал неколку компании, кои очигледно добро му работат.