Гвардиола нуди играч и пари за ѕвездата на Премиер лигата!

Иако фудбалската јавност на островот очекуваше сигурна победа на гостинот, дуелот помеѓу фудбалерите на Њукасл и Манчестер Сити, заврши со минимален триумф на „црно-белите“ од 2:1. По неочекуваниот пораз, „граѓаните“ паднаа на третата позиција на табелата, имаат еден бод помалку од второпласираниот Челзи и седум помалку од лидерот Арсенал.

Повеќекратниот шампион на Англија се освежи во текот на летото и доведе вкупно седум нови играчи, меѓу кои Донарума, Черки, Аит-Нури, Трафорд и Рејндерс.

Новите информации од Англија велат дека Пеп Гвардиола сака да доведе уште едно големо засилување во јануарскиот преоден рок.

Имено, според TEAMTalk, Манчестер Сити е многу заинтересиран да го доведе Тино Ливраменто од Њукасл. Трофејниот каталонски стручњак верува дека овој фудбалер би се вклопил совршено во стилот на игра на неговиот тим.

Њукасл навистина не сака да го продаде Ливраменто, а играчот има договор со клубот до 2028 година.

Сепак, постои начин челниците на тимот од „Сент Џејмс парк“ да се согласат да седнат на преговарачката маса, а тоа ќе зависи и од Пеп Гвардиола.

Очигледно, Гвардиола е подготвен да им понуди на челниците на Њукасл сериозна парична сума но и услугите на Трафорд кој е голема желба на „црно-белите“.

Трафорд пристигна на „Етихад“ минатото лето, но кратко по него пристигна и Донарума, кој е „број еден“. Се верува дека Њукасл сè уште е многу заинтересиран за Трафорд и е подготвен да го доведе во јануари.

Значи, Гвардиола би можел да го искористи во замена за Ливраменто, но ќе мора да понуди пари за играчот на Њукасл.

Поранешниот играч на академијата на Челзи е многу разновиден и игра со леснотија и на левата и на десната страна од одбраната.

Гвардиола ги направи играчите од средниот ред О’Рајли и Нунес негови први опции на левата и десната страна од обраната.