Група луѓе на железничка станица во Москва синоќа киднапирале маж и го ставиле во гепекот на црн мерцедес со трепкачки светла и регистарски таблички што личеле на службени, објавува независниот руски портал „Медуза“.
Подоцна бил идентификуван како бизнисменот Арег Шчепихин, кој претходно објавил видеа со навредливи изјави за Чеченците и исламот. Полицијата го запрела возилото околу час и половина подоцна, но Шчепихин повеќе не бил во него. Осомничените наводно тврделе дека се членови на Руската национална гарда и дека „ова не е кривично дело, туку оперативна акција“.
Чеченскиот министер за национална политика, надворешни односи и информации, Ахмед Дудаев, изјави дека Шчепихин „не бил киднапиран, туку уапсен“.
База: Бил претепан, принуден да сними видео извинување и обвинет за врски со Украина
Според него, чеченското Министерство за внатрешни работи го истражува Шчепихин според член 148 од рускиот Кривичен законик, кој се однесува на јавни дејствија „со цел да се навредат чувствата на верниците“. Дудаев рече дека Шчепихин „отворено, јавно и постојано повикувал на етничко чистење и нацизам, ја навредувал религијата и Бога и изразувал јасни екстремистички ставови“.
Потоа, руското Министерство за внатрешни работи објави дека полицијата привела шест „учесници на настанот“ на железничката станица Јарослав синоќа, кои „предизвикале јавен бес“. Во соопштението не се наведува каде бил Шчепихин.
Телеграм каналите База и Шот тврдат дека Шчепихин оттогаш е ослободен. Според База, тој бил ослободен околу полноќ и сега престојува во хотел во Москва. Оваа информација не е независно потврдена. Според База, Шчепихин бил претепан по киднапирањето, принуден да сними видео извинување и обвинет за врски со Украина.
🔴 FLASH | L’homme d’affaires arménien Areg Shchepikhin a été KIDNAPPÉ à Moscou, sous les yeux de dizaines de personnes, qui n’ont rien fait. Ils l’ont fait monter de force dans le coffre d’une voiture. La raison serait une vidéo d’insultes des Tchétchènes. (avia) pic.twitter.com/1bWY4fCNb4
— SIRÈNES (@SirenesFR) June 4, 2025
