Артан Груби ветил пред обвинителот дека ќе соработува со органите до донесување на одлуката на ОЈО Скопје за истрагата за милионските злоупотреби во Лотарија. Поради загрозување на неговата и безбедноста на семејството, одбраната побарала поблага мерка на обезбедување, а обвинителот имајќи го предвид фактот дека осомничениот сам се предал на органите на прогон, предложен е до Судот домашен притвор и одземање на пасошот.
“На барање на второосомничениот преку неговата одбрана истиот во текот на денешниот ден беше спроведен пред надлежниот обвинител каде вршеше увид во списите на предметот, но поради обемноста на доказниот материјал увидот ќе продолжи наредните денови по што на второосомничениот ќе му биде овозможено да ја даде својата одбрана, објавија од ОЈО Скопје
