Grok го ограничува генерирањето фотографии по скандалот со порнографска содржина

Четботот за вештачка интелигенција Grok, во сопственост на компанијата на милијардерот Илон Маск, ја ограничи функцијата за генерирање и уредување фотографии исклучиво на претплатници кои плаќаат за услугите на социјалната мрежа X, по глобалните критики за можноста за создавање длабока порнографска содржина, вклучувајќи слики од жени и малолетници, пишува Euraktiv.

Кога се обидува да генерира слики преку платформата X, Grok сега ги информира корисниците дека оваа функција е достапна само за претплатници кои плаќаат и ги поканува да се регистрираат за „премиум“ верзијата на X.

Сепак, не е прецизирано дали постојат дополнителни ограничувања за претплатниците кога станува збор за генерирање сексуално експлицитна длабока порнографска содржина.