Жителите на Кавадарци од денеска можат бесплатно да изнајмуваат велосипеди. За оваа намена, Општината обезбедила околу шеесет велосипеди, кои се во одлична состојба.
– Со одлука на Советот на Општината, му ги дадовме на ЈП за градски превоз – Кавадарци. Тие се поставени на две локации, едната е до Туристичко-информативното биро, во строгиот центар на градот. Втората, до споменикот на 12 ваташките другари, каде што има повеќе од шест километри велосипедска патека, со можност за рекреирање – соопшти градоначалникот на Општина Кавадарци, Митко Јанчев.
Секој ден од 9:00 до 21:00 часот ќе може бесплатно да се изнајми велосипед, со личен документ за идентификација. Воедно, лицето што го изнајмува велосипедот ќе треба да потпише изјава. Целта на овој проект е да се мотивираат луѓето помалку да користат автомобили, а едно полнолетно лице ќе може да изнајми четири велосипеди, два за возрасни и два за деца.
ИЗДВОЕНИ
НАЈГОЛЕМАТА ОПОЗИЦИСКА ПАРТИЈА НА КРСТОПАТ: Нова партија, фракција или стивнување на расколот – носи ли расплет конгресот на СДСМ?!
Македонските филмови тешко стигнуваат до домашната публика; Се изгуби и кинокултурата!
Граѓаните ќе плаќаат и до 2.000 евра повеќе за стари автомобили
Македонија не доби покана од Трамп, Бугарија и Косово меѓу основачите на „Одборот за мир“
