В.д. градоначалникот на Општина Аеродром, Дејан Митески, заедно со министерот за социјална политика, демографија и млади, Фатмир Лимани, го потпиша договорот за изградба на новиот објект на градинката „Пчелка 1“, најстарата градинка на територијата на општина Аеродром.
-Со овој проект, не уриваме само ѕидови, туку завршуваме едно поглавје полно со спомени и отвораме ново, посветено на иднината на нашите најмали. Во градинката ќе растат уште многу генерации, но во нов, модерен, безбеден и топол објект што ќе згрижува 265 дечиња, далеку повеќе од сегашниот капацитет – соопштија од Општина Аеродром.
Објектот е на површина од 2.600 квадратни метри, со многу нови занимални како и современи услови и безбедна околина.
Од Општина Аеродром информираат дека по завршување на тендерската постапка, објектот ќе се гради во три фази, внимателно и со љубов, затоа што не градиме само градинка, градиме спомени, детство и сигурна иднина за секое дете.
