Гори облакодер во квартот Бронкс во Њујорк, повеќе од 200 пожарникари на терен/ФОТО/ВИДЕО

Денес се случи голем инцидент во квартот Бронкс во Њујорк, кога, според првичните извештаи, силна експлозија на гас предизвикала огромен пожар во станбен облакодер, а противпожарната служба на Њујорк потврди дека неколку ката на врвот од станбената зграда горат, додека очевидци известуваат за силна детонација што му претходела на пожарот.

Повеќе од 200 пожарникари и екипи за итни интервенции се на местото на настанот и се борат со пожарот што ги зафатил горните неколку ката од зградата, според соопштението од противпожарната служба, пренесува АП. Според официјалните лица, пожарот избувнал по пријава за експлозија на гас, а густ црн чад се издига од врвот на високата зграда и е видлив од поголемиот дел од градот.

Персоналот на противпожарната служба на градот Њујорк се бори со пожарот, кој брзо се шири поради ветерот, додека полицијата ги евакуира жителите и ги блокира околните улици. Сè уште нема официјални информации за бројот на повредени или евентуални жртви, но голем број амбулантни возила се на местото на настанот.

На жителите им се препорачува да го избегнуваат овој дел на Бронкс за да им се овозможи пристап на службите за итни случаи.

🚨🇺🇸 BREAKING: MASSIVE EXPLOSION REPORTED IN NYC HIGH-RISE

No word yet on the cause of the explosion in a Bronx apartment block or casualty count.

Source: @AZ_Intel_ pic.twitter.com/OKuWN0F1Bc

— Mario Nawfal (@MarioNawfal) January 24, 2026

FDNY members are operating at a 4-alarm fire at 3485 Bivonia Street in the Bronx. pic.twitter.com/efYUhnatYq

— FDNY (@FDNY) January 24, 2026