Градоначалникот на Град Скопје, Орце Ѓорѓиевски, денес се приклучи на активностите по повод Светскиот ден на волонтерството, заедно со претседателот на Советот на Град Скопје, Даме Димитровски.
Од Град Скопје соопштија дека во соработка со Црвениот крст на Република Македонија–Црвен крст на Град Скопје, тие учествуваат во низа хуманитарни и социјални активности насочени кон поддршка на најранливите категории граѓани.
-Овој ден претставува силен потсетник за важноста од волонтерството и институционалната поддршка која таа благородна мисија ја заслужува. Денес, на Светскиот ден на волонтерството, со гордост се приклучувам како волонтер во активностите на Црвениот крст. На 5 декември, целиот свет оддава признание на волонтерите, на сите оние кои несебично го даруваат своето време, енергија и добрина за да ги зајакнат нашите заедници. Овој ден е силен потсетник за важноста на волонтерството, но и повик до институциите и граѓаните да ги поддржат волонтерските организации и нивната хумана мисија – истакна Ѓорѓиевски.
ИЗДВОЕНИ
Од 1 јануари пониски трошоци за струја, се намалува надоместокот за дистрибуција
За малку повторно хаос – падна Cloudflare, половина од интернетот „исклучен“
Снежните врнежи зимава подпросечни – не ветува прогнозата на меторолошките сервиси
Собранието обоено во портокалово: 16 дена активизам против родово базирано насилство
