Градоначалникот на Град Скопје, Орце Ѓорѓиевски, информира дека е започната сеопфатна и одлучна акција за расчистување на бесправно изградените и узурпирани објекти, со цел заштита на јавниот интерес и обезбедување слободно, безбедно и достоинствено користење на јавните површини. Акцијата се спроведува без никакви отстапки, со јасна порака дека јавниот простор им припаѓа на граѓаните и мора да биде достапен за сите под еднакви услови.
Во објавата на социјалните мрежи од градоначалникот Орце Ѓорѓиевски стои:
– Нема толеранција кога узурпацијата на јавниот простор е во прашање!
Започнавме голема акција за расчистување на бесправно изградените објекти и нема да има никакви отстапки. Јавните површини им припаѓаат на граѓаните. Тротоарите, пешачките патеки и јавните простори не смеат да бидат заложници на ничиј личен интерес.
Повеќе нема компромис кога се во прашање узурпациите што го нарушуваат животот, движењето и безбедноста на нашите сограѓани. Акцијата продолжува со силно темпо и ќе ја опфати целата територија на Скопје!
Ова е процес во кој сите сме партнери. Ги повикувам граѓаните на Скопје активно да се вклучат, да пријават објекти што го окупираат заедничкиот простор и да помогнат да изградиме град во кој владее ред, достоинство и еднаква пристапност за сите.
Заедно градиме град каков што заслужуваме.
ИЗДВОЕНИ
Минималецот повторно на маса – од 500 до 700 евра или статус кво?
Овие тешки проблеми не може да се решат прекуноќ, но, конечно, треба да видиме акција
Дипломираните студенти – амбасадори на вредностите на Европскиот универзитет
Оџаците се демоде – ако снема струја станарите во новите згради ќе смрзнат!
