Речиси 50 осомничени лица се уапсени во голема операција поддржана од Европол против најголемата криминална мрежа што работи на Канарските Острови, Шпанија.
Истрагата ја водеа шпанските власти, а во неа учествуваа агенции за спроведување на законот од Португалија, Колумбија, Обединетото Кралство и САД.
По месеци истрага, властите уапсија околу 50 членови на криминалната мрежа на 3 јуни. Мрежата шверцувала кокаин од Јужна Америка во Европската Унија користејќи софистицирана поморска инфраструктура, соопшти „Европол“.
🚨 Almost 50 suspects were arrested in a Europol-backed operation targeting the largest criminal network in the Canary Islands (Spain). The investigation was led by Spain, with help from Portugal, Colombia, the UK, and the USA.
More ⤵️https://t.co/lRi7enIz6f pic.twitter.com/mQE2qSAsy0
— Europol (@Europol) June 6, 2025
Додадено е дека групата поседувала 11 глисери кои биле користени постојано, тргнувајќи од стратешки точки во Атлантскиот Океан до матичниот брод што го транспортирал кокаинот.
„Откако ја натовариле дрогата во глисерите, осомничените ги оставиле на Канарските Острови, подготвени за дистрибуција“, исто така, соопшти „Европол“.
Дополнително, криминалната мрежа користела сложен шифриран комуникациски систем за да ги избегне органите за спроведување на законот, вклучувајќи сателитски терминали, тешко пронаоѓачки телефони и кодиран јазик, се додава во соопштението.
Во заедничката истрага, наводно, учествувале власти од САД, Велика Британија, Шпанија, Колумбија и Португалија.
ИЗДВОЕНИ
Владата отвора нов канал за директна комуникација со повредените во трагедијата во Кочани – 070 355 526
ВМРО-ДПМНЕ: Две милијарди евра инвестиции во железничкиот сообраќај, брза пруга Табановце-Гевгелија
Денеска православните христијани ја одбележуваат Задушница, ден за молитва за душите на упокоените – утре се празнува Педесетница – Слегување на Светиот дух
Се враќаат дома! Последните двајца пациенти повредени во пожарот во Кочани по лекување во Србија се отпуштени од КЦС
