Голем руски напад на Киев, експлозии одекнаа во повеќе региони низ Украина – Полска ги крена борбените авиони

Експлозии одекнуваат во Киев со часови откако Русија лансираше балистички ракети кон украинската престолнина. Жена и дете беа повредени во нападите низ градот, објавува „Киев Индепендент“ (Kyiv Independent).

Првите експлозии во украинскиот главен град се слушнаа околу 4 часот наутро по локално време, а нов бран следеше околу 4:30 часот наутро. „Непријателот го напаѓа главниот град со балистичко оружје. Останете во засолништа до сигналот за да се стави крај на опасноста“, рече Тимур Ткаченко, началник на Воената администрација на градот Киев.

‼️🇺🇦🇷🇺 The Last night, a massive air and missile attack was carried out on Ukrainian cities, involving kamikaze drones, cruise and ballistic/aeroballistic missiles.

⚡️ The main targets of the attack were Kyiv and the energy sector

🟦 Results of the assault by region:

🔹 Kyiv… pic.twitter.com/hV2k54DONY

— NSTRIKE (@NSTRIKE01) February 22, 2026

Властите го издадоа првото воздушно предупредување во 3:56 часот наутро, а подоцна беше проширено на целата земја поради полетувањето на руските бомбардери, објавија Воздухопловните сили. Дополнителни експлозии во Киев беа пријавени околу 5:13 часот наутро.

Градоначалникот на Киев, Виталиј Кличко, потврди дека повредените се однесени во болница. „Двајца повредени – жена и дете – беа транспортирани од предградијата во болниците во Киев“, извести тој.

Yet another massive Russian attack on Ukraine. Energy infrastructure was under attack, civilians injured and killed.

Russia uses up the cold weather to hurt Ukrainian civilians more.

▪️In Kyiv region, a man was killed, two women and a child injured.

▪️Odesa region: energy… https://t.co/DPyCc6ZIyY pic.twitter.com/jPGIMJol9K

— Anton Gerashchenko (@Gerashchenko_en) February 22, 2026

Во текот на ноќта, покрај Киев и регионот околу главниот град, беа нападнати и црноморското пристаниште Одеса и централна Украина, рекоа тие, пренесува „Индекс“.

Гувернерот на Одеса, Олех Кипер, напиша на „Телеграм“ дека ноќен напад со беспилотни летала врз енергетската инфраструктура на регионот предизвикал пожари кои се изгаснати.

Како одговор на руските напади, полските воздухопловни сили кренаа борбени авиони во текот на ноќта за да го заштитат воздушниот простор. „Подигнати се борбени авиони на повик и авион за рано предупредување, а копнените системи за воздушна одбрана и радарите се ставени на највисоко ниво на подготвеност“, се наведува во соопштението за медиумите, објави Polsatnews.

Полските власти наведуваат дека мерките се преземени поради зголемената активност на руските воздухопловни сили и нападот врз Украина. Повикани се борбени авиони, а воздушната одбрана е ставена во состојба на зголемена готовност.