Ѓоковиќ се појави таму каде што никој не го очекуваше

Најдобриот тенисер на денешницата, Србинот Новак Ѓоковиќ, е во Њујорк, каде што ќе се обиде да стигне до уште една титула на Отвореното првенство на САД. Пред почетокот на турнирот, тој се појави на неочекувано место и предизвика вистински хаос кај Американците.

Ѓоковиќ дојде на стадионот на легендарните Јенки и го изведе првото фрлање на бејзбол-натпреварот помеѓу Њујорк и Бостон. Навивачите беа воодушевени, а тој изгледаше среќно и се смееше. Потоа следуваше соопштение од тимот, на социјалните мрежи, со објаснување за тоа зошто беше Новак на натпреварот: „Благодарност до тениската легенда Новак Ѓоковиќ за церемонијалното прво фрлање!“

Но, Србинот тој ден ги доби противниците што ќе му стојат на патот до 25. гренд слем титула. Ждрепката за Отвореното тениско првенство на САД  се одржа во Њујорк, а најдобриот тенисер на сите времиња е во истиот дел од ждрепката како и Шпанецот Карлос Алкараз. Ова, исто така, значи дека ќе може да се сретне со него во полуфиналето и дека Италијанецот Јаник Синер е од другата страна на „скелетот“.

Уште пред почетокот на турнирот, српскиот ас знаеше дека го чека тешка ждрепка и дека ќе мора напорно да работи за 25. гренд слем во кариерата. Тој падна на седмото место на АТП-листата, и тоа автоматски му донесе потешки соперници во Големото Јаболко. За разлика од претходните турнири, овој пат, покрај Синер, избега и Зверев, кој е, исто така, на другата страна.

Прв противник на Србинот ќе му биде Американецот Лернер Тијен, а потоа ќе го чека својот противник, бидејќи на тој натпревар ќе се сретнат квалификантите и среќните губитници. Па така, ќе мора да почека. Негов ривал во третото коло би можел да биде Алекс Микелсен, а во осминафиналето – Холгер Руне или Франсис Тијафое. Негови потенцијални противници во четврт-финалето би биле Тејлор Фриц (Америка), Јакуб Менсик (Чешка), Томаш Махач (Чешка), а во полуфиналето – Алкараз, кој е меѓу најтешките ривали, а ги има и Бен Шелтон, Талон Гриксспор, Каспер Руд, Данило Медведев… Прв ривал на Алкараз ќе му биде Рајли Опелка, кој може да биде многу непријатен.

Што се однесува до другата страна од ждрепката, Јаник Синер ќе игра против Вито Коприва (Чешка) на почетокот од турнирот, во третото коло би можел да се соочи со Денис Шаповалов (Канада), во четвртото со Александар Бублик, а меѓу носителите во тој дел од ждрепката се: Саша Зверев, Алекс де Мајнор, Џек Дрејпер, Андреј Рубљов, Стефанос Циципас…