Најдобриот тенисер на сите времиња, Србинот Новак Ѓоковиќ, неодамна ја заврши соработката со својот тренер, Енди Мареј, а сега, пред почетокот на турнирот во Женева, даде изјава за медиумите, зборувајќи за голем број теми.
Како што се очекуваше, новинарите беа заинтересирани кој ќе му биде нов тренер на српскиот тенисер, а одговорот што следуваше изненади многумина.
– Моментално не барам тренер. Не мислам дека има потреба од брзање во ниту еден контекст. Се чувствувам пријатно со луѓето околу мене – рече Новак.
Новак во наредниот период ќе биде придружуван од Душан Вемиќ.
– Го имам Душан Вемиќ, кој е тука, дојде од САД, каде што живее и ќе биде со мене и во Женева и на Ролан Гарос. Исто така, Борис Бошњаковиќ е таму како аналитичар и помошник- тренер. По тоа, ќе видиме што ќе се случи – додаде српскиот тенисер.
Ѓоковиќ годинава сè уште нема освоено титула, најголем напредок имаше на Австралија опен, каде што во полуфиналето беше елиминиран од Германецот Александар Зверев. Потоа, на сите други турнири на кои настапи, беше елиминиран уште во првото коло, а минатата недела го откажа настапот на мастерс-турнирот во Рим.
ИЗДВОЕНИ
Трајко Славески е предлогот на претседателката Сиљановска-Давкова за гувернер
При претреси на пет локации во Скопје: Полицијата лиши од слобода четири лица- членови на криминална група, осомничени за убиства
Владиниот калкулатор се прегреа од високите суми за храна што ги плаќаат граѓаните!?
Молитви во тегли за 600 денари им продавале на ожалостените кочански семејства
