Гоце Пејковски и Елена Велевска – се спасија од летните горештини! Снаодливи се!

Популарниот македонски пејач Гоце Пејковски сосема го смени имиџот, па по еден настап од многуте летово, сподели во кусо „стори“ заедничка летна фотографија со својата популарна и омилена колешка, Елена Велевска. Гоце веќе нема опавче и долга коса, сега е кратко потстрижан, па многумина што го имаат видено, велат дека изгледа попристојно.                                                                                                                 – Редно беше да си ја потстрижам косата, особено откако фатија горештините. Кратката коса е спас на овие плус 50 степени. Максимално олеснување! За опавчето по кое ме препознаваат повторно ќе размислам кога ќе дојдат на ред снегот и зимата, вели Гоце.

Со промената на имиџот се согласува и неговата колешка, Елена Велевска. Сепак, таа не ја потстрижа косата, но успеа да се заштити од жештините собирајќи ја залижаната коса, зашто, како што вели, така ѝ е најлесна за одржување. Потоа може и да ја распушти врз рамената, за потребите на една фотосесија.

И кога настапува додека пее и кога не е на сцената додека се одмора, Елена е заводлива. Фановите ги враќа во живот не само со песната туку и со својот атрактивен сексапилен физички изглед. Како изгледа Елена ова лето во еротски црвен фустан со длабоко деколте и длабок шлиц, може лесно да се види од нејзините прекрасни фотографии. Вистина е дека таа и понатаму важи за една од најзгодните Македонки на нашата естрада.                                                                                                            Кај Гоце и Елена, освен сликата, заедничко им е и тоа што кај и да настапуваат, обожавателите бараат место повеќе. Секогаш кога се вака двајцата, ним им е посвежо. (Д.М.)