Го исфрлија од тимот бидејќи тежи 228 килограми

Екипата на Тампа Беј Баканирс од НФЛ лигата се мачеше со повреди во текот на целата сезона, поради што резервите добиваа значајна минутажа. Но, главен проблем за тимот беше што и дел од резервите не можеа да помогнат во одреден момент, а некои и воопшто не го „помирисаа“ теренот. Еден од нив е 22-годишниот бек Дезмонд Вотсон, кој најчесто беше надвор од списокот за време на натпреварите.

Според Грег Оман од „Фокс Спортс“, Вотсон повторно е отстранет од тимот за тренинг бидејќи последен пат е објавено дека тежи 228 килограми!

Вотсон потпиша како недрафтиран слободен агент по НФЛ Комбин откако играше за Флорида Гејторс и стана најтешкиот играч во историјата на НФЛ со 203 килограми. Тој се мачеше со тежината уште од деновите кога беше во колеџ, а за време на драфтот беше ставен на листата на повредени додека не ја намали тежината.

Со оглед на тоа што не ја исполни целта, не можеше да учествува во предсезонските тренинзи. Тој се врати на 23 септември како дополнителна опција во дефанзивната линија откако напаѓачот Калиџа Кенсеј претрпе повреда на градниот мускул поради што ја заврши сезоната. Сепак, Вотсон никогаш не играше ниту беше активиран бидејќи Елајџа Симонс го зазеде местото на Кенсеј.

Вотсон им рече на новинарите дека ослабел, но не сакаше да го открие точниот број килограми – само дека е задоволен од напредокот што го постигнал. Сега, сепак, повторно е отпуштен. Ова резултираше со тоа што Вотсон беше изоставен од тимот по втор пат.

Вотсон би можел да се врати во Тампа Беј во иднина ако се отвори место во тимот, но засега не смее да тренира во екипата.