Снимката од средбата на турскиот претседател Реџеп Таип Ердоган и францускиот претседател Емануел Макрон на самитот на Европската политичка заедница во Албанија брзо стана вирална, но не поради тоа што го кажаа – туку поради начинот на кој се ракуваа.
На видеото се гледа како Ердоган со левата рака го фаќа Макрон за десната рака и ја влече кон него, а во исто време со десната го тапка по раката. Макрон потоа се обидува да го возврати гестот фаќајќи го со левата рака одозгора за десната рака на Ердоган.
Меѓутоа, моментот кој привлече најголемо внимание доаѓа веднаш потоа – Ердоган го фаќа левата рака на Макрон и му ги стиска средниот и показалецот. Францускиот претседател успева да го извади показалецот, но средниот прст останува во стисокот на Ердоган неколку секунди.
Видеото предизвика различни коментари и шпекулации на социјалните мрежи, при што многумина се прашуваат дали станува збор за политичка порака, ненамерно засрамување или суптилно изразување на моќ.
Реџеп Таип Ердоган, Емануел Макрон
Фото: Танјуг/АП
Турските медиуми јавуваат дека Ердоган наводно реагирал на обидот на Макрон да доминира на состанокот ставајќи ја раката на неговото рамо за време на ракувањето – гест што често во дипломатијата се толкува како знак на психолошка супериорност.
И додека едни тврдат дека сè било спонтано, други сметаат дека одговорот на Ердоган е внимателно изработена корекција на протоколот – турски стил.
🇹🇷🇫🇷Erdogan shows macron who’s boss and … holds his finger.
— Lord Bebo (@MyLordBebo) May 17, 2025
