Повеќе од 4.000 филмски уметници, вклучувајќи ѕвезди како Тилда Свинтон, Хавиер Бардем и Ема Стоун, одбиваат да соработуваат со израелски компании кои се соучесници во геноцидот врз палестинскиот народ.
Актерите, режисерите, сценаристите и продуцентите потпишаа изјава издадена од колектив наречен Филмски работници за Палестина.
„Ја препознаваме моќта на филмот да ги обликува перцепциите. Во овој итен момент на криза, кога многу од нашите влади го поддржуваат геноцидот во Газа, мора да направиме сè што можеме за да ја подигнеме свеста за нашето соучесништво во овој немилосрден ужас“, се вели, меѓу другото.
Тие ветија дека нема да прикажуваат израелски филмови, да се појавуваат во нив или на друг начин да соработуваат со своите филмски институции. Тие ги повикаа своите колеги да се спротивстават на тишината, расизмот и дехуманизацијата и да направат сè што е можно за да се стави крај на соучесништвото во угнетувањето на Палестинците.
Покрај гореспоменатите личности, изјавата ја потпишаа и Ендру Гарфилд, Марк Рафало, Сузан Сарандон, Оливија Колман и други.
ИЗДВОЕНИ
ДВА ДЕНА ПРЕД ИСТЕКОТ НА РОКОТ ЗА ПОДНЕСУВАЊЕ КАНДИДАТУРИ: Ливчето за избор на скопски градоначалник со петнаесетина имиња?
Поскапеа и задоволствата, за цигари и кафе дневно 500 денари
За живеачка во Скопје, на едно четиричлено семејство му требаат две илјади евра месечно
Шенген веќе не е ист, наместо печат во пасош, отпечаток и фотографија во анфас за влез во ЕУ
