Џесика Морети, сопругата на сопственикот на клубот „Констелејшн“ во швајцарскиот зимски центар Кран-Монтана, денеска заедно со својот сопруг Жак, се соочи со роднините на жртвите пред канцеларијата на јавниот обвинител во Сион, каде што таа треба да биде испрашана во рамките на истрагата за пожарот во новогодишната ноќ во кој загинаа 41 лице, а 115 беа повредени.
Кога Жак и Џесика Морети пристигнаа во канцеларијата на обвинителот во Сион, на четвртиот ден од судењето, на влезот ги пречекаа десетици ожалостени родители и роднини на младите луѓе кои починаа во барот на смртта во Кран Монтана. Тие беа облечени во маички со фотографии од нивните починати најблиски. Пристигнувањето на брачната двојка Морети предизвика тензии, додека членовите на семејствата на жртвите ги чекаа пред зградата, извикувајќи: „Ги убивте нашите деца“ и „Погледнете ме во очи“, пренесе „Фигаро“.
Адвокатите на обвинетите и обезбедувањето интервенираа за да ги разделат семејствата, новинарите и осомничените.
„Тоа беше вистинска толпа. Морети речиси и да немаа никаква заштита кога избувна гневот на семејствата. Сите ги нападнаа сопствениците, кои беа притиснати до ѕидот на зградата и не можеа да избегаат“, изјави новинар од местото на настанот за весникот „20 минути“.
The footage of the Swiss ski resort fire is actually terrifying AF.
The fact that some people are so desensitized to actual danger, and would rather film it and sing and dance around the fire, rather than leave ASAP or do something about it, though? Sheeeesh.
40 people gone,… pic.twitter.com/CDcKlEkg1i
— Phoeni𝕏 2A 🇺🇸 (@Phoenix2A_1980s) January 2, 2026
Огорчените родители ги навредуваа додека Морети се криеја зад адвокатите. Еден родител, плачејќи, извика: „Го убивте мојот син, убивте 40 луѓе, ќе платите за ова!“
Џесика Морети, изгледаше како да е на работ на солзи додека се пробиваше низ толпата. Братот на еден од загинатите, Тристан (17), наводно се обидел да ја шутне откако постојано ја замолувал да го погледне во очи.
Мајката на Тристан, Винсенцијан Стаки, изјави за локалните медиуми: „Ниту ќе простиме ниту ќе заборавиме“.
Парот, кој ја обвинува келнерката која загина во пожарот, е под судски надзор по трагедијата во клубот „Le Constellation“ во скијачкиот центар Кран-Монтана.
