Ги неутрализира лутината, стресот и депресијата: Мирисот на ова растение влијае како седатив, ама без несакани ефекти

Мирисот на ова растение им е познат на многумина како „крал на сите мириси“, но малкумина знаат колку е позитивен за луѓето и за што се користи.

Ги неутрализира негативните емоции како што се несигурноста, лутината, вознемиреноста и ја ублажува депресијата. Затоа некои го нарекуваат „среќно растение“ бидејќи навистина има позитивен ефект врз луѓето.

Постојат неколку видови јасмин, но само два се погодни за есенцијални масла поради специфичниот мирис по кој е познат – тоа се Jasminum officinale и Jasminum grandiflorum.

Германски научници предводени од професорот Ханс Хат од Универзитетот Хајнрих Хајне во Диселдорф потврдија дека мирисот на јасмин има благотворно дејство врз психата, а со тоа и врз телото.

– Мирисот на ова растение има ефект врз луѓето сличен на транквилизаторот „валиум“, но без непријатните несакани ефекти – рече професорот по истражувањето што го спроведоа на глувци.

Кога го почувствуваа мирисот на јасмин, глувците престанаа да го прават она што го правеа, се смирија и седнаа. Со скенирање на нивните мозоци, научниците утврдија како мирисот на јасмин ја намалува анксиозноста.

– По вдишувањето на мирисот на јасмин, неговите молекули влегуваат во крвта и патуваат од белите дробови до мозокот. Скенирањето на мозокот покажа дека ефектот на хемикалијата наречена ГАБА врз нервните клетки е засилен. Животните се смириле – објасни тој.

Професорот и неговиот тим ги објавија резултатите од истражувањето во „Journal of Biological Chemistry“.

– Ги сметаме резултатите од истражувањето како доказ. Мирисот на јасмин би можел да биде подобар избор од разни лекови за лекување на анксиозност, несоница, за смирување и други работи – заклучи тој.

Иако ова растение не е премногу тешко за одржување, препорачливо е ако не сте во можност, да купите есенцијално масло на негова основа.