Зголемените царини на увозот во САД веќе имаат негативно влијание врз економиите на САД и на Германија, соопшти германскиот економски институт „Ифо“ (ifo).
Според извештајот објавен денеска, речиси 30 отсто од германските компании што планирале инвестиции во САД – ги одложиле, додека 15 проценти целосно ги откажале.
И домашните инвестиции во Германија се погодени – 21 отсто од фирмите ги одложиле планираните вложувања, а 8 проценти ги откажале.
– Секоја трета индустриска компанија очекува пренасочување на трговските релации од САД, а само 17 отсто очекуваат зголемување – наведува „Ифо“.
Повеќе од 60 отсто од анкетираните компании пријавиле негативни последици од американските царини воведени во јануари.
Институтот „Ифо“ секој месец анкетира илјадници компании за да изготви економски прогнози.
ИЗДВОЕНИ
ЖИВОТНИ ПАТОКАЗИ, ЗОРАН КРСТЕВСКИ: Влијанието на траумата врз децата и младите
Падна договор – 11.000 административци со повисоки плати, граѓаните сонуваат подобри услуги
Даниел Кајмакоски бил киднапиран во Белград, сега е добро и дома, потврди македонскиот ПР тим
Поранешна обвинителка на СЈО со шокантни откритија за неговото (не) функционирање
