Германските компании се многу повнимателни кога станува збор за инвестирањето во САД, бидејќи нивните директни инвестиции во првата година од вториот мандат на претседателот Доналд Трамп се речиси преполовени, се нагласува во студијата на Германскиот економски институт (IW).
Од февруари до ноември 2025 година, германските директни инвестиции во САД се намалиле за 45 проценти, на околу 10,2 милијарди евра, според истражувањето засновано на податоци од Бундес банк.
Во тој период минатата година, инвестициите изнесувале речиси 19 милијарди евра.
