Моментално има дури 4,2 милијарди евра на сметки во германските банки кои формално немаат сопственик. Станува збор за таканаречени неактивни или заборавени сметки, каде што сопствениците починале без наследници или сметките не се евидентирани во никакви документи.
Овој проблем го посочи Кристијан Клајн, професор по економија на Универзитетот во Касел.
Според извештај нарачан од германското Министерство за образование и истражување, некои од овие средства би можеле да бидат поврзани со нелегални активности, како што се трговија со дрога или црни пари. Банките сметаат дека сметката е заборавена ако не можеле да стапат во контакт со сопственикот неколку години. По правило, сметката се затвора по 30 години, но законска одредба му дозволува на сопственикот – ако се појави по 45 години – сè уште да има право на парите.
Банките не сакаа да одговорат на прашањата на tagesschau за овој случај.
„Имам чувство дека ова е некако непријатно за повеќето банки. Парите се заборавени и сега „лежат“ и не се чувствувам удобно што банката ги „присвојува“, вели професорот Клајн.
Од друга страна, Торстен Хехе, главен правен експерт на Германската банкарска асоцијација, смета дека оваа тема не треба ни да се дискутира, бидејќи сè е јасно регулирано со закон. Сепак, државата размислува за пренасочување на парите од ваквите сметки кон револвинг фонд, по примерот на Велика Британија, каде што овие средства се користат за финансирање на социјални програми.
Банкарскиот сектор апелира до клиентите да се грижат за документацијата и наследството за нивните пари да не завршат како „ничија сопственост“.
ИЗДВОЕНИ
Тошковски: Жителите во близина на пожарот во Трубарево да ги напуштат своите домови
Доктор Чибишев: Отровните гасови при горење електронски отпад можат сериозно да го загрозат здравјето на луѓето
2.000 заштитни маски ќе им бидат распределени на жителите од Трубарево
Најголемата мистерија на денешницата: Исчезна пред терористичкиот напад и не е пронајдена до ден-денес!
