Германскиот министер за надворешни работи, Јохан Вадефул, во вторник, 18 ноември, ќе дојде во Скопје, во рамките на турнејата во земјите од Западен Балкан. Токму во Македонија, тој ќе го заврши своето тридневно патување во регионот. Посетата е дел од дипломатската турнеја што ќе започне на 16 ноември и што ќе опфати шест главни града во регионот: Сараево, Подгорица, Тирана, Белград, Приштина и Скопје, соопштија од германската Амбасада во земјава.
Вадефул ќе биде придружуван од пратеници на германскиот Бундестаг, што ги нагласува важноста на мисијата и интересот на Берлин за политичките и за безбедносните процеси на Западен Балкан.
– Германскиот министер за надворешни работи, д-р Јохан Вадефул, ќе ја започне својата посета на државите од Западен Балкан на 16 ноември. Ќе ги посети Сараево, Подгорица, Тирана, Белград, Приштина и Скопје. Тука, вечерта на 18 ноември, министерот д-р Вадефул ќе го заврши своето патување, на кое ќе биде придружуван од пратеници на германскиот Бундестаг – стои во соопштението од Амбасадата на Германија.
Оттаму додаваат дека оваа дипломатска посета се надоврзува на средбата на министрите за надворешни работи во рамките на Берлинскиот процес и потенцира дека земјите од Западен Балкан претставуваат приоритет во надворешната политика на Германија.
ИЗДВОЕНИ
Цените на квадратот полудеа, балонот ќе се дува сè додека има купувачи кои кешираат неразумни суми!
ИНТЕРВЈУ, АМБАСАДОР БУРШАКОВ: Современиот свет влезе во нова историска етапа, ве гледаме како наш важен партнер во регионот
Алиу: Десет кардиохируршки операции биле непотребно извршени
ДОДЕКА ТРААТ ПРЕГОВОРИТЕ ЗА ПОПОЛНУВАЊЕ НА ИСПРАЗНЕТИТЕ ВЛАДИНИ РЕСОРИ: Се чека 16. министер за екологија, досега ниту еден не останал цел мандат!
