Германски министер за заканите на Трамп: Нема да потклекнеме на уцените

Германија и нејзините европски партнери нема да бидат „уценувани“ од Доналд Трамп, изјави германскиот министер за финансии и вицеканцелар Ларс Клингбеил, откако американскиот претседател најави дополнителни тарифи за да изврши притисок врз Европа во спорот околу Гренланд.

Германија секогаш ќе се обраќа до Соединетите Држави во потрага по заеднички решенија, но Берлин не може да оди во иста насока како Вашингтон по ова прашање, рече Клингбеил во соопштение.

• И затоа пораката е кристално јасна: нема да бидеме уценувани и ќе има европски одговор, додаде тој.

Велика Британија, Данска, Финска, Франција, Холандија, Норвешка и Шведска претходно предупредија во заедничка изјава дека заканите на Трамп ризикуваат „опасна спирала надолу“ и „ги поткопуваат трансатлантските односи“.