Германската полиција предупреди за опасен пациент кој избегал од психијатриска болница

Германската полиција денес ја предупреди јавноста да биде внимателна во врска со пациент кој избегал од психијатриска болница на езерото Констанца во градот Констанц во покраината Баден-Виртемберг и им порача на граѓаните да не му се приближуваат ако го видат.

Според извештаите, пациентот Монтасар Д. избегал во саботата во 14 часот, а полицијата не можела да го пронајде откако го пребарала подрачјето, објавува „Билд“, додавајќи дека јавноста била предупредена само 23 часа по неговото бегство, иако е опасен пациент.

„Во моментов не може да се исклучи дека бараниот човек е во состојба на ментално растројство и ќе се однесува агресивно кон трети лица ако стапат во контакт со него“, се вели во полициското соопштение.