Германскиот фудбалер Давид Рам (27) блеска оваа сезона во РБ Лајпциг, а под водство на Јулијан Нагелсман обезбеди место во германската репрезентација. Многумина се изненадени од неговиот нов потфат надвор од теренот. Според тиражниот гермаски весник „Билд“, тој од неодамна настапува како диџеј во клубовите и баровите во Лајпциг, но само во деновите кога нема тренинг или по победите.
Тој пушташе музика на приватна прослава еден ден откако Германија ја победи Словачка со 6:0 и обезбеди место на Светското првенство во 2026 година. Музиката е негова голема љубов покрај фудбалот. „Ја открив музиката, дури и поставив свое мало студио дома каде што учам и ги создавам моите песни. Тоа ми помага да ја разбистрам главата“, изјави германскиот фудбалер.
Но за него фудбалот останува најголем приоритет: „Фокусот е сè уште на фудбалот, нема сомнение за тоа. Се надевам дека ме очекуваат уште многу добри сезони, но по мојата фудбалска кариера можам да се замислам себеси во музичкиот свет и да продолжам да работам како диџеј“, рече тој.
Рам е капитен на Лајпциг, лев бек со 13 натпревари, еден гол и три асистенции оваа сезона и 34 настапи и еден гол за репрезентацијата. Неговата пазарна вредност е 20 милиони евра.
