Повеќе од еден милион работни места останаа непополнети на германскиот пазар на трудот во третиот квартал, бидејќи домашната економија продолжува да слабее и како таква не бара работници, објавува германската новинска агенција (dpa).
Според податоците од Институтот за истражување на трудот и вработувањето (IAB), бројот на отворени работни места се намалил за околу два проценти во споредба со претходниот квартал, на 1,03 милиони.
Сепак, во споредба со третиот квартал од минатата година, падот изнесувал 246.000 работни места, или 19 проценти.
– Побарувачката на пазарот на трудот стагнира на ниско ниво – изјави аналитичарот на IAB, Александар Кубиш.
Според податоците на IAB, на секои 100 отворени работни места во Германија, има 288 регистрирани невработени.
Тоа е 68 лица повеќе по отворено работно место отколку во третиот квартал од 2024 година и 11 повеќе отколку во претходниот квартал.
Околу четири петтини од отворените работни места во третиот квартал мораа веднаш да бидат пополнети, што значи дека односот на сите отворени работни места кон оние што бараат итно пополнување е 2,3 проценти.
– Тоа е речиси двојно повеќе од стапката од 4,5 проценти во последниот квартал од 2022 година и укажува на слаб пазар на трудот – рече Кубиш.
ИЗДВОЕНИ
По Лондон, и Брисел најави центри за мигранти во други земји, дилемите се множат: Каде ќе завршат неподобните мигранти од ЕУ, во игра ли е и Македонија?
Семејствата на жртвите од „Пулс“: „Не сме сведоци за политички поени, туку за вистината“
Мицкоски: Додека сум премиер во Македонија нема да никне ниту еден шатор за мигранти
Македонија по текот на Вардар ќе гради брза пруга, во игра останува и проектот „Вардарска долина“
