Германската полиција спречи напад на еколошки активисти врз приватниот авион на германскиот канцелар Фридрих Мерц во хангар во градот Арнсберг, соопшти канцеларијата на државниот обвинител.
„Полицијата спречи три лица да се обидат да го оштетат приватниот спортски авион на германскиот премиер во ноќта од среда кон четврток“, соопшти канцеларијата на државниот обвинител во Арнсберг, каде што се наоѓа приватната адреса на Фридрих Мерц.
Групата што ја презеде одговорноста за обидот за напад во соопштението наведе дека три лица, на возраст од 23, 28 и 56 години, влегле на аеродромот Арнсберг-Менден без дозвола, но дека полицијата спречила оштетување на авионот, кој се наоѓал во еден од хангарите.
Меѓу приведените активисти беше и познатата германска активистка за климатски промени Ања Виндл. По акцијата, групата „Отпор колектив“ издаде соопштение во кое ја презема одговорноста за обидот за напад.
„Се обидовме, како дел од протестот, да го онеспособиме приватниот авион на канцеларот Фридрих Мерц. И додека климатската криза ескалира, германскиот канцелар се вози во приватен авион“, се вели во соопштението на групата.
ИЗДВОЕНИ
НАЈГОЛЕМАТА ОПОЗИЦИСКА ПАРТИЈА НА КРСТОПАТ: Нова партија, фракција или стивнување на расколот – носи ли расплет конгресот на СДСМ?!
Граѓаните ќе плаќаат и до 2.000 евра повеќе за стари автомобили
Македонија не доби покана од Трамп, Бугарија и Косово меѓу основачите на „Одборот за мир“
Грипот не попушта: годинава двојно повеќе од лани
