Германскиот канцелар Фридрих Мерц изјави дека Берлин нема намера да признае независна палестинска држава „во блиска иднина“.
Мерц ги даде овие забелешки за време на посетата на Израел.
„Она што е важно сега е да се спроведе овој мировен план чекор по чекор, а никој од нас денес не знае каков ќе биде исходот. Поради ова, федералната влада, за разлика од другите европски држави, се воздржа од признавање на палестинска држава во оваа рана фаза. Ние нема да го сториме тоа во блиска иднина“, рече Мерц на прес-конференција со израелскиот премиер Бенјамин Нетанјаху во Ерусалим.
Тој додаде дека верува оти признавањето на палестинската држава треба да дојде на крајот, а не на почетокот, од мировните преговори.
„Решение за две држави може да се постигне само преку преговори“, рече Мерц.
Тој додаде дека тие работат „кон целта за нов Блиски Исток“ во кој ќе биде признаена државата Израел.
„Убедени сме дека потенцијалното воспоставување палестинска држава покрај Израел веројатно нуди најдобри перспективи за оваа иднина“, додаде тој.
ИЗДВОЕНИ
Мицкоски откако беше реизбран за претседател на ВМРО-ДПМНЕ: До последниот ден од мојот последен мандат ќе барам работа и резултати
„Доказ дека системот важи еднакво за сите“: Тошковски добил СМС порака за направен сообраќаен прекршок – регистрирана брзина од 1 километар на час над дозволеното
Подвиг на Клиниката за ортопедија: Успешно се изведени две трансплантации на коска од починат донор кај педијатриски пациенти
Мицкоски на 18. партиски конгрес: Стратегијата Македонија 2030 е визија за стабилна, продуктивна, правична и европски позиционирана држава
