Германскиот министер за надворешни работи Јохан Вадефул во средата ги отфрли тврдењата на рускиот претседател Владимир Путин дека Берлин „измислил“ докази за да може да ја обвини Москва за неуспешниот напад со дрон на аеродромот во Лајпциг минатиот месец.
– Спротивното е вистина – изјави Вадефул на маргините на состанокот на министрите за надворешни работи на ЕУ во Виклоу, Ирска, goворејќи ден откако Германија официјално ја прогласи Русија за одговорна за инцидентот од 4 август и најави казнети мерки.
Путин во вторникот ги отфрли обвинувањата и ги отфрли досега претставените докази како „измислени“, тврдејќи дека одговорот на владата на канцеларот Фридрих Мерц бил првенствено воден од домашната политика.
Соопштението на Германија уследи неколку недели откако дрон наполнет со експлозив беше откриен во близина на украински карго авион на аеродромот Лајпциг/Хале, и непосредно пред клучните избори во три германски сојузни држави, но Вадефул ги отфрли тврдењата на Путин дека изјавата била темпирана за тактички цели.
Министерот рече дека, доколку се земале предвид изборите, владата можеби ќе избегнела јавно да ја обвини Русија во овој момент, бидејќи тој чекор „природно доведува до многу дебати, особено за време на изборните кампањи во источна Германија“.
Гласачите во источната сојузна држава Саксонија-Анхалт треба во недела да изберат нова регионална влада, а изборите во североисточната сојузна држава Мекленбург-Западна Померанија и градската држава Берлин ќе следат две недели подоцна.
Саксонија-Анхалт и Мекленбург-Западна Померанија беа дел од поранешна комунистичка Источна Германија, каде што многумина сè уште негуваат проруски чувства.
Вадефул рече дека на состанокот во Виклоу добил голема поддршка од колегите од ЕУ, откако Германија најави дека ќе го затвори рускиот генерален конзулат во Бон и руската културна институција во Берлин.
Тој рече дека и други држави членки на ЕУ, вклучувајќи ги Франција, Холандија и Финска, ги повикале руските пратеници поради нападот во Лајпциг.
ИЗДВОЕНИ
Таткото е на меѓународна потерница, а ќерката бара да замине во Бугарија на лекување
Газдите штедат на придонеси, знаењето станува „непотребен“ луксуз
Одбраната се фати за бојата на сунѓерот, сведоците ги потсетија на цијанидот и кога се користел во историјата
Ја врзал за дрво и ја тепал со тврд предмет
