Германските партии од Христијанско-демократската унија (ЦДУ/ЦСУ) повикуваат на реформа на законот за државјанство и ограничувања на двојното државјанство, со повици за одземање на пасошите од оние што ги загрозуваат уставните вредности на Германија.
„Ние како земја мора да се запрашаме дали сè уште сакаме двојно државјанство и дали сè уште можеме да си го дозволиме тоа“, изјави пратеникот на Бундестагот од Христијанско-социјалната унија (ЦСУ), Штефан Мајер, за „Билд“.
Тој нагласи дека фундаментална реформа на законот за државјанство е „неопходна“.
„Не можеме да им дадеме на луѓето привилегија на државјанство, а потоа тие да ги газат нашите вредности и нас“, нагласи Мајер.
Пратеникот на ЦДУ, Корнел Бабендерерде, рече дека двојното државјанство треба да биде исклучок, а не правило.
Во 2024 година, на околу 292.000 луѓе им е доделено германско државјанство – 46 проценти повеќе од претходната година.
Од приближно 200.000 луѓе кои добиле државјанство во 2023 година, повеќе од 80 проценти го задржале својот претходен пасош, што значи дека сега имаат двојно државјанство.
ИЗДВОЕНИ
Словенија ќе привлекува кинески инвеститори со „панда“ обврзница
Вакцинирајте се, бројот на заболени допрва ќе расте
Нема да може секој да оди на сезонска работа во Хрватска, а тешко и до работна дозвола за Германија
Македонија повторно на линија со САД во ОН – гласаше против укинување на ембаргото за Куба
