Генералното собрание на ОН утре ќе гласа за резолуцијата за кршењето на човековите права во Украина

Генералното собрание на Обединетите нации утре ќе гласа за обновена нацрт-резолуција за кршење на човековите права на териториите на Украина под руска контрола, објавија денес украинските медиуми.

Нацрт-резолуцијата за состојбата со човековите права на привремено окупираните украински територии, вклучувајќи ги Крим и Севастопол, укажува на бројни кршења на човековите права и меѓународното хуманитарно право од страна на Руската Федерација, објави агенцијата „Укринформ“.

Како што е наведено, овие кршења вклучуваат, особено, случаи на репресија, тортура, произволно притворање, прогон на новинари, активисти за човекови права и претставници на домородните народи – Кримските Татари.

Текстот нагласува тортура и нехуман третман на украинските воени затвореници и нелегално притворените цивили во Русија.

Резолуцијата, исто така, го осудува одбивањето на руските власти да им обезбедат на своите семејства информации за судбината и локацијата на затворениците.

Документот, исто така, потсетува на важноста од почитување на Конвенцијата за спречување и казнување на кривичното дело геноцид и нагласува дека масовните и систематски кршења на човековите права и меѓународното хуманитарно право може да претставуваат геноцид, пренесува Танјуг. Во нацрт-резолуцијата е додаден и став со кој се охрабруваат напорите за мирно решавање на конфликтот во согласност со Повелбата на ООН.