Газа во пламен по бруталните воздушни напади: Најмалку 60 лица убиени, од кои многу деца/ВИДЕО

Од страна на
Вечер
-
180

Најмалку 60 лица, од кои многу деца, беа убиени во израелските воздушни напади врз Појасот Газа во текот на ноќта, соопштија локални болнички претставници.

Нападите се случија откако израелскиот премиер Бенјамин Нетанјаху ѝ нареди на војската да изврши „силни напади“ врз Газа, обвинувајќи го Хамас за кршење на прекинот на огнот што стапи на сила на 10 октомври, објави АП.

Болницата „Ал-Акса“ во централниот град Деир ел-Балах соопшти дека ги примила телата на најмалку 10 лица, вклучувајќи три жени и шест деца, убиени во два израелски воздушни напади во текот на ноќта. Во јужниот град Кан Јунис, болницата „Насер“ објави дека примила 20 тела по пет израелски напади, вклучувајќи 13 деца и две жени.

Порано утрово, агенцијата за цивилна одбрана контролирана од Хамас и службено лице на болницата изјавија дека најмалку 33 Палестинци биле убиени во повеќе израелски воздушни напади во Газа во вторник.

Наредбата на Нетанјаху дојде откако израелските власти соопштија дека Хамас отворил оган врз израелските сили во јужна Газа. Хамас, како одговор на планираните израелски напади, го одложи предавањето на телото на уште еден заложник.

Во понеделник, палестинската група предаде делови од тела што Израел ги идентификуваше како остатоци од заложник пронајден претходно во конфликтот, што Нетанјаху го нарече кршење на прекинот на огнот.

Израелскиот министер за одбрана Израел Кац го обвини Хамас за напад врз израелски војници во Газа во вторник и за кршење на условите за враќање на телата на починатите заложници. Кац рече дека Хамас преминал јасна црвена линија со започнувањето напад врз израелски војници во Газа во вторник.

Израелската војска соопшти дека еден од нејзините војници бил убиен во напад на палестински милитанти врз војници стационирани во областа Рафа во јужниот дел на Појасот Газа во вторник попладне.

 

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ