Фудбалерите на Манчестер Сити одлучија да им ги вратат парите за билетите на 374 навивачи кои патуваа во Норвешка за да го гледаат изненадувачкиот пораз на нивниот тим од 1-3 од Боде/Глимт во Лигата на шампионите.
Цената на билет за гостинските навивачи беше околу 25 фунти, па играчите на Сити ќе издвојат вкупно 9.357 фунти за да ги надоместат трошоците за оние кои патуваа во Арктичкиот круг.
Во име на тимот, капитените Бернардо Силва, Рубен Дијас, Родри и Ерлинг Халанд рекоа дека поддршката од навивачите е од огромно значење за клубот.
„Нашите навивачи ни значат сè. Знаеме какви жртви прават кога патуваат низ целиот свет за да нè поддржат, и дома и на гости, и никогаш не го земаме тоа здраво за готово. Тие се најдобрите навивачи на светот“, рекоа тие во заедничка изјава.
Капитените исто така рекоа дека се свесни колку е тешко патувањето, особено со многу ниските температури и тешката вечер на теренот.
„Свесни сме дека ова беше долго патување за навивачите кои нè поддржаа во горчливиот студ за време на тежок натпревар за нас. Покривањето на трошоците за билети за оние кои патуваа до Боде е најмалку што можеме да направиме“, рекоа играчите на Манчестер Сити, пренесе „Бета“.
ИЗДВОЕНИ
Обвинителството не верува во „грозјето“, одбраната тврди: Парите се од продадени земја и трактори
Мицкоски на средба со сопственикот – „Фор-ај-џи (4iG)“ ќе инвестира 100 милиони евра за развој во Македонија
Мизерни плати, работниците во Македонија на дното во регионот – време е за промени!
Сиљановска-Давкова: Не можеме нонстоп да го менуваме Уставот по барања однадвор
