Верувањето во во Дедо Мраз не ги претвора децата во шармантни, дарежливи мали суштества, заклучок на студија спроведена од британски тим, објавена од француските медиуми.
„Дали верувањето во Дедо Мраз влијае на однесувањето на децата? Дали ова верување ги прави пољубезни и помалку непослушни?“, праша психологот Рохан Капитани пред неколку години.
За да го откријат тоа, тој и неговите колеги од Универзитетот Дарам во Велика Британија интервјуирале родители на околу 400 деца, на возраст од четири до девет години, пред божиќните празници во 2019, 2021 и 2022 година.
Резултатите од нивната студија, достапни на Форумот за отворен код (OSF), се разочарувачки за родителите кои се надеваат дека ќе го користат Божиќ како образовна и мотивациска алатка, бидејќи „верувањето во Дедо Мраз не ги прави децата попримерни или дарежливи со надеж дека ќе добијат подароци“.
Сепак, тимот открил дека колку повеќе деца биле изложени на божиќни ритуали – поставување украси, носење необична облека како што се украсени џемпери, учество во божиќни настани и јадење празнична храна – толку поалтруистичко било оценето нивното однесување.
За Рохан Капитани, ова набљудување е во согласност со социолошките наоди, а тоа е дека „социјалниот контекст на една личност е подобар предиктор за нивното идно однесување отколку нивните верувања“.
ИЗДВОЕНИ
Маестро Симон Трпчески прослави 25 години плодна кариера со топла, заводлива и неодолива новогодишна латино-музичка идила/ФОТОГАЛЕРИЈА
Скопје под сива завеса: Mаглата го гуши градот, воздухот станува непријател
Маглата го отежнува авиосообраќајот на скопскиот аеродром – некои летови се реализираат со задоцнување, некои се целосно откажани
Скопје исчезна, маглата го проголта градот, ама не и загадениот воздух/ФОТО
