Францускиот претседател Емануел Макрон синоќа зјави дека француските здравствени установи ги примаат повредените во пожарот во Швајцарија во кој загинаа повеќе од 40 лица, а повеќе од 100 беа повредени.
„Франција ги прима повредените во своите болници и е достапна да пружи секаква помош.
Благодарност до тимовите и мобилизираните здравствени работници“, напиша тој на социјалните мрежи по телефонскиот разговор со швајцарскиот претседател Ги Пармелин. Макрон не прецизираше колку повредени лица се лекуваат во Франција или во кои болници.
„Нашите мисли се со семејствата“, додаде тој, изразувајќи ја „солидарноста“ на Франција со својот швајцарски сосед по случаен пожар во преполн бар на новогодишната ноќ во луксузниот швајцарски скијачки центар Кран-Монтана. Пожарот одзеде повеќе од 40 животи, а повреди околу 115 лица, според кантоналната полиција Вале.
„Нашите дипломатски и конзуларни тимови ја следат ситуацијата и им ја обезбедуваат потребната помош на нашите граѓани погодени од оваа трагедија“, додаде Макрон.
Најмалку двајца француски државјани се меѓу повредените, според соопштението на француското Министерство за надворешни работи, пренесува Танјуг. Сопственици на барот во ски-центарот се исто така француски пар, објавија француските медиуми.
ИЗДВОЕНИ
Што досега се знае за пожарот во швајцарскиот скијачки центар?
Интервју со македонската кошаркарска надеж – Андреј Шошкиќ: Повеќе се гледам во Евролигата, отколку во НБА
Стебла со историја – кои се најдревните старци меѓу дрвјата!?
Трагедија на новогодишната ноќ во Швајцарија: Десетици загинати во пожар во ски-центар/ВИДЕО
