Франција наложи подготовка на болниците за можен прием на 10.000 до 15.000 војници до март 2026 година, како дел од мерки за здравствена безбедност во услови на потенцијален конфликт. Здравствениот систем се подготвува за сценарио во кое можеби ќе мора да згрижи војници што се враќаат од борбени зони.
Француското Министерство за здравство истакна дека болниците треба да бидат свесни за „ограничувањата во време на војна“ и подготвени да се грижат и за француски и за странски војници во случај на голем конфликт. Портпарол на владата за „Еуроњуз“ изјави дека улогата на Министерството е да се подготви за широк спектар на „закани со кои здравствениот систем би можел да се соочи“, вклучувајќи епидемии, еколошки кризи и „злонамерни ризици“. Исто така, се разгледува можноста за отворање медицински центри близу автобуските и железничките станици, аеродроми и пристаништа, за да се овозможи пренасочување на странски војници кон нивните матични земји, се наведува во писмото.
