Почнувајќи од денеска, па сè до недела, граѓаните ќе можат да го посетат „Пчеларскиот саем“ што се одржува на плоштадот „Македонија“.
На плоштадот се присутни околу 20 излагачи од цела Македонија, на околу 10 локални пчеларски здруженија, членови на Пчеларската федерација на Македонија.
Овде можат да се вкусат сите видови мед: ливадски, шумски, костенов, дабов итн., како и сите други пчелни производи: матичен млеч, полен, перга, прополис, восок и мешавини на мед со лековити билки и овошје.
Овој саем е во организација на Пчеларската федерација на Македонија.
