ФОТО: П.Стојановски
Есенскиот шампион, тимот на Вардар, продолжи таму каде што застана после првиот дел од новата сезона во македонската Прва фудбалска лига. „Црвено-црните“ не дозволија никакво изненадување во првото пролетно коло и сосема заслужено со убедливи 5:1 го торпедираше новајлијата во елитното друштво, тимот на Арсими.
Најтрофејниот македонски клуб дојде до убедливо водство со погодоците на Цветковиќ, Николов, Велковски, Босанчиќ и Омерагиќ, а почесниот погодок за гостинот беше дело на Цуцули кој успешно го изведе ударот од белата точка.
Вардар, како првопласиран, има четири бода повеќе од второпласираната Струга ТЛ, а на третата позиција е бранителот на тронот, тимот на Шкендија, кој има негатива од шест бода.
