По грозоморното убиство во Шуто Оризари на млада скопјанка од страна на нејзиниот партнер и тоа пред очите на нејзината пет годишна ќерка, невладините организации кои ги застапуваат ромските права бараат настанот да се квалификува како фемицид.
– „Случајот од Шуто Оризари не е изолиран. Во последните години сведочиме на серија фемициди каде жртвите претходно повеќепати пријавувале насилство. Очигледно е дека системот на заштита повторно потфрла. Иако жртвите се обратиле до институциите – полиција, обвинителство, центар за социјална работа – не била обезбедена соодветна заштита. Праксата покажува дека пријавите често не се третираат како родово базирано насилство, а не се преземаат ни навремени мерки за превенција, реагираат од невладината Ромалитико
Од ОЈО Скопје велат дека за осомничениот кој ја уби својата партнерка во Шутка немало претходна пријава за семејно насилство.
