Евтин и едноставен начин да му го вратите сјајот на вашето лице со еден потег: Домашен лосион за чиста и хидрирана кожа

Доколку сакате благ и ефикасен лосион за чистење на лице кој нема да ја иритира вашата кожа, овој домашен рецепт е најдобрата опција. Лесен е за подготовка и можете да го прилагодите на вашиот тип на кожа – без разлика дали е мрсна, сува или комбинирана.

Состојки:

• –60 мл силен зелен чај (3 кесички)
•  30 мл јаболков оцет
•  15 мл екстракт од хамамелис
• 10 мл свежо исцеден сок од лимон
• 1–2 капки бадемово масло
• 1–3 капки масло од чајно дрво
•  Пластично шише за чување

Постапка:

Сварете го чајот и оставете го да се олади. Додадете јаболков оцет.

– За комбинирана кожа, одржувајте го соодносот чај-оцет 2:1.

– За сува кожа, додадете повеќе чај отколку оцет.

– За мрсна кожа, зголемете ја количината на оцет.

Додадете свежо исцеден сок од лимон. Ако вашата кожа е склона кон црвенило, можете да додадете повеќе лимон, но потоа зголемете ја количината на масло од чајно дрво и бадемово масло за да не се исуши кожата. Изматете го екстрактот од хамамелис, бадемовото масло и маслото од чајно дрво. Истурете ја смесата во пластично шише и чувајте го во фрижидер. Протресете пред секоја употреба за рамномерно да се измешаат маслата.

Овој домашен лосион е лесен, природен и целосно прилагодлив на вашиот тип кожа. Со правилна подготовка и употреба, добивате нежно чистење, хидратација и заштита, без иритацијата што често ја предизвикуваат комерцијалните производи.

Состојките може да се менуваат во зависност од вашиот тип на кожа.