Европските лидери се согласија со претседателот на САД Доналд Трамп дека ставот на Русија за разговорите за прекин на огнот во војната против Украина е неприфатлив и имаат намера да координираат заеднички одговор, изјави денес британскиот премиер Кир Стармер.
Стармер го изјави тоа во Тирана, каде што се собрани лидерите на десетина европски држави на самиот на Европската политичка заедница и каде што присуствува и украинскиот претседател Володимир Зеленски.
Русија и Украина денеска во Истанбул ги остварија првите директни мировни преговори од почетокот на војната во 2022 година, а траеја помалку од два часа, според соопштението на Министерството за надворешни работи на Турција и Украина.
Киев вели дека Кремљ вовел нови „неприфатливи барања“ меѓу кои и повлекување ан украинските сили од поголем дел од нејзината територија, според украинскиот фунционер.
Зеленски претходно рече дека Украина е посветена на прекин на војната, но ги повика десетината европски лидери да ги засилат санкците против рускиот енергетски сектор и банките ако рускиот претседател Владимр Путин продолжи „со преговорите да купува време“.
Стармер го поддржа неговиот став, истакнувајќи во говорот на самитот во Тирана дека „Русија одолговлекува и игра игри“.
„Мораме да бидеме подготвени да ги спроведеме рабоите на дело бидејќи ако Русија не седне на преговарачка маса, Путин ќе мора да ја плати цената“, наведе тој.
Шефицата на Европската унија за надворешна полтика и безбедност Каја Калас рече исто така дека Путин игра игри, што покажува дека не се сериозни во врска со мирот“.
Претседателката на Европската комисија Урсула фон дер Лајен рече дека е јасно дека „Зеленски беше подготвен на состанок, но Путин не дојде што го покажува неговиот вистински став“.
Таа рече дека ЕУ подготвува нов пакет санкции, насочени кон флотата на товарните бродови кои Русија ги користи да ги заобиколи меѓународните санкции и на конзорциумот на гасоводот Северен тек.
ИЗДВОЕНИ
Билатерална средба Мицкоски-Стармер во Тирана: Постигната согласност за договор за стратешко партнерство со Обединетото Кралство
По еден месец затвор за секој загинат, обвинуваат семејствата на жртвите
Палевски во последен обид на докажување невиност, ОЈО му се спротивстави со нови докази
Амбасадор Рафаел Сориано Ортиз: Пред нас е летото, во Шпанија ве очекуваме со раширени раце
