Европската централна банка (ЕЦБ) денес ги остави клучните каматни стапки непроменети, како што се очекуваше, потврдувајќи дека инфлацијата треба да се стабилизира и да го минимизира влијанието на силното евро врз монетарната политика.
Ова е петта последователна пауза во циклусот на монетарно олабавување на оваа институција со седиште во Франкфурт, по слични одлуки во јули, септември, октомври и декември.
Депозитната стапка останува на 2,0 проценти, а стапката за рефинансирање на 2,15 проценти, додека инфлацијата во еврозоната се движи околу целта од два проценти на централната банка најмалку една година.
„Ажурираната проценка (на Управниот совет) уште еднаш потврдува дека се очекува инфлацијата да се стабилизира на среднорочната цел од два проценти. Економијата продолжува да се држи во предизвикувачка глобална средина“, се вели во соопштението на ЕЦБ.
Централната банка забележува дека растот е поддржан од ниската невработеност, силните биланси на приватниот сектор, постепеното воведување дополнителни јавни трошоци за одбрана и инфраструктура и корисните ефекти од минатите намалувања на клучните каматни стапки.
Сепак, ЕЦБ предупредува дека перспективите остануваат неизвесни, „особено поради неизвесноста околу глобалните трговски политики и геополитичките тензии“, пренесе „Бета“.
ИЗДВОЕНИ
Во тек е голема координирана полициска акција на повеќе локации во Скопје и во Струмица поврзана со опојна дрога
Полицијата конфискува, судот одлучува – враќањето на одземените возила може да трае со месеци
“Живите газеа да излезат надвор, мртвите ги положувавме на паркинг“
И по седум часа чекање на аеродромите – ЕУ неподготвена за биометриска идентификација
