Урош Николиќ (40), познат кошаркарски судија во Евролига и АБА-лига, беше уапсен во средата во голема полициска операција, по наредба на Јавното обвинителство за организиран криминал, под сомнение дека е дел од организирана криминална група осомничена за тешки кривични дела. Ова е најголемиот во низата скандали што ги оркестрирал во текот на годините.
Николиќ беше приведен во меѓународна полициска операција во која беа приведени 13 лица. Во 2021 година, Звезда го обвини за вандализирање на соблекувалната по натпреварот помеѓу Црвена звезда и Цедевита, кога клубот веднаш побара дисциплинска постапка.
Тој сè уште е наведен на веб-страницата на Евролигата како еден од судиите што ги судат натпреварите од ова натпреварување, и се очекува да биде сослушан во наредните денови.
Исто така, се памети и срамот што се случи во мај оваа година кога од арената во Љубљана го исфрли Иво Данеу, легендарен кошаркар од Југославија, што предизвика огромна врева за време на која се огласија многу познати играчи, вклучувајќи го и Лука Дончиќ. АБА-лигата се извини.
Тројцата судии одлучија да го отстранат Иво Данеу, легендарен кошаркар кој го освои златниот медал на светот со југословенската репрезентација во 1970 година, од салата во која се играше натпреварот, на крајот од третиот период. Не е познато што доведе до вакватата одлука на судиите Урош Николиќ, Урош Обркнежевиќ и Марко Мустапиќ.
Во голема меѓународна полициска операција во средата, 13 лица беа уапсени во Белград, Шабац и Шпанија, под сомнение дека се дел од организираната криминална група „Врачарски клан“.
